ລາວກູຣູ ນຳສະເໜີຂໍ້ມູນທີ່ໜ້າສົນໃຈ ແລະ ມີສາລະປະໂຫຍດຕໍ່ການດຳລົງຊີວິດປະຈຳວັນ ແລະ ການພັດທະນາຕົນເອງ
ການຕັດສິນໃຈ ມີຄວາມສຳຄັນໃນທຸກໆວຽກງານ ນັບແຕ່ນ້ອຍຫາໃຫຍ່ ສຳຄັນເຖິງສຳຄັນທີ່ສຸດ. ຍິ່ງວຽກສຳຄັນ ແລະ ມີຄວາມສ່ຽງຫຼາຍປານໃດ ຜູ້ຕັດສິນໃຈຈະຕ້ອງຄິດໃຫ້ຮອບຄອບ ເພື່ອບໍ່ໃຫ້ເກີດຄວາມຜິດພາດ ຫຼື ເສຍໂອກາດ. ຍ້ອນມີຄວາມສຳຄັນຄືຈັ່ງຊັ້ນ ຕັ້ງແຕ່ອະດີດຈົນເຖິງປະຈຸບັນ ນັກວິຊິການ ແລະ ນັກທິດສະດີຫຼາຍທ່ານ ຈິ່ງພະຍາຍາມຄົ້ນຄວ້າທິດສະດີດັ່ງກ່າວ ແລ້ວນຳສະເໜີທິດສະດີຂອງຕົນອອກສູ່ສັງຄົມຢ່າງກວ້າງຂວາງ.
ການຮຽນພາສາອັງກິດທີ່ດີ ຈະຕ້ອງຮຽນ 4 ທັກສະໄປພ້ອມກັນຄື: Listening, Speaking, Reading ແລະ Writing. ພວກເຮົາຈະເນັ້ນແຕ່ທັກສະໃດໜຶ່ງບໍ່ໄດ້ ເພາະທຸກທັກສະລ້ວນແຕ່ມີຄວາມຈຳເປັນເຊັ່ນດຽວກັນ. ຄົນສ່ວນຫຼາຍມັກຮຽນພາສາອັງກິດຕາມປື້ມຕຳລາ ແລ້ວກໍຈົດຄຳສັບອອກມາເລົ່າ ແລ້ວກໍຮຽນໄວຍາກອນເປັນສ່ວນຫຼາຍ ຈົນເຮັດໃຫ້ຜູ້ກ່ຽວບໍ່ກ້າເວົ້າພາສາອັງກິດ ເພາະຢ້ານແຕ່ຜິດຫຼັກໄວຍາກອນ. ວິທີຮຽນແບບນັ້ນຈະເຮັດໃຫ້ຜູ້ຮຽນຟັງບໍ່ໄດ້ ແລະ ເວົ້າບໍ່ເປັນ ເມື່ອພົບກັບສະຖານະການຕົວຈິງ.
ທິດສະດີດຸນອຳນາດ ຫຼື ທິດສະດີຄານອຳນາດ (Balance of Power) ເປັນທິດສະດີຫຼັກຂອງໂຄງສ້າງສັດຈະນິຍົມຂອງລັດອະນາທິປະໄຕ. ນັກວິຊາການຫຼາຍຄົນເຫັນວ່າ ແນວຄວາມຄິດດັ່ງກ່າວຖືກໃຊ້ຢູ່ທະວີບເອີຣົບຕັ້ງແຕ່ປີ ຄ.ສ 1648 ຈົນກະທັ້ງເກີດສົງຄາມໂລກຄັ້ງທີ 1 ແນໃສ່ຫຼຸດຄວາມສ່ຽງຂອງການຖືກໂຄ່ນລົ້ມອຳນາດຈາກກຸ່ມທີ່ມີອຳນາດເໜືອກວ່າ.
ນັກການທູດ ເປັນອາຊີບທີ່ນັກຮຽນຫລາຍໆຄົນໃຝ່ຝັນ ເພາະເບິ່ງແຕ່ພາບລັກພາຍນອກແລ້ວຈະເຫັນວ່ານັກການທູດມີຊີວິດທີ່ຫລູຫລາ ມີບຸກຄະລິກະພາບ ແລະ ວາດຊົງສະຫງ່າງາມ. ນຸ່ງຊູດ ຂີ່ລົດຄັນງາມ ມີອະພິສິດໃນການເດີນທາງເຂົ້າ-ອອກປະເທດ ພົບປະຜູ້ຄົນຫລາກຫລາຍ ກິນອາຫານຕ່າງແດນ ເວົ້າພາສາຄ່ອງແຄ້ວ ມະນຸດສຳພັນສະຫງ່າ ມາລະຍາດສຸຂຸມ. ບາງຄົນກໍປະຈຳການຢູ່ຕ່າງປະເທດເປັນເວລາຫລາຍປີ ຈົບປະເທດນີ້ກໍໄປປະເທດນັ້ນ. ເບິ່ງຄືວ່າຊີວິດນີ້ມີແຕ່ຄວາມສຸກ ແລະ ຕື່ນເຕັ້ນຕະຫລອດເວລາ. ຖ້າເຮົາເບິ່ງໃຫ້ເລິກເຊິ່ງແລ້ວ ການເປັນນັກການທູດມັນບໍ່ໄດ້ງ່າຍຄືກັບຫລາຍຄົນຄິດ ແຕ່ກໍບໍ່ໄດ້ໝາຍຄວາມວ່າຈະເປັນໄປບໍ່ໄດ້.
ການເດີນທາງໄກຕ້ອງໃຊ້ເວລາດົນ ແລະ ຄວາມອົດທົນຢ່າງຕໍ່ເນື່ອງ ຈິ່ງຈະເຖິງຈຸດໝາຍປາຍທາງໄດ້ ແຕ່ຖ້າເຮົາຮູ້ທາງລັດ ຫຼື ວິທີເພີ່ມຄວາມໄວຂອງການເດີນທາງ ກໍຈະເຮັດໃຫ້ເຮົາໄປເຖິງປາຍທາງໄດ້ໄວກວ່າເກົ່າ. ການຮຽນພາສາອັງກິດ ກໍເຊັ່ນດຽວກັນ ຖ້າເຮົາຮູ້ວິທີ ແລະ ມີຄູດີຄູເກັ່ງມາສິດສອນ ບວກກັບຄວາມບຸກບືນຫ້າວຫັນຂອງຕົນເອງ ກໍຈະເຮັດໃຫ້ເຮົາຮຽນພາສາອັງກິດໄດ້ໄວຂື້ນ. ດ້ວຍເຫດນີ້ ຈິ່ງມີອາຈານຫຼາຍທ່ານຄົ້ນຄວ້າວິທີທີ່ຈະຊ່ວຍໃຫ້ນັກຮຽນ ຮຽນພາສາອັງກິດໄດ້ໄວ ແລະ ມີປະສິດທິພາບ. ໃນນີ້, ຂໍຍົກເອົາ ວິທີການຮຽນພາສາ ຂອງອາຈານ A. J. Hoge ເຊິ່ງເພິ່ນໄດ້ແນະນຳໄວ້ມີ 7 ວິທີຄື:
