ພວກເຮົາຖ່າຍຖອດອາລົມຈິດອອກມາຜ່ານຕົວອັກສອນ ທີ່ອອນຊອນ ແລະ ສ່ອງແສງເຫດການຈິງ ແລະ ສະເໝືອນຈິງ
ເງິນກີບ ລາວ ລາວບໍ່ໃຊ້…………..ຈະມີຄ່າແນວໃດ? ຊິໃຫ້ໃຜມາຖື……………………..ຄອບຄອງນຳໃຊ້ ນອກຈາກໄທເຮົານີ້……………….ພາກັນເຊີດຊູຄ່າ ຮັກສາເງິນກີບໄວ້…………………ເປັນສິນຄ້າສື່ກາງ ລາງຄົນແຖມຈົ່ມເວົ້າ……………..ວ່າເງິນກີບບໍ່ມີຫຍັງ ຫວັງແຕ່ຖືເງິນຕາ………………….ບາດ-ໂດລາພຸ້ນ ຄຸນຄ່່າເງິນລາວດ້ອຍ………………ຖືໄປກໍໄຮ້ຄ່າ ສູ້ຖືເງິນໂດລາ ຫຼື ຊື້ຄຳມາເກັບໄວ້…..ພໍຊິໄດ້ອຸ່ນໃຈ ວ່າເດ ເຈົ້າບໍ່ຖື ຂ້ອຍບໍ່ໃຊ້………………….ຊິຄອງແຂກທາງໃດຖື ເດນໍ
ຂ້ອຍນີ້ ອຶດອັດອັ້ນ ນຳຄົນປັ່ນທວນກະແສ ແທ້ເດ ຕາບໍ່ແລເຫັນຂອງຈິງ ຮ່າວຝອຍ ເຟີ້ເຈີ້ ຟ້າວອອກມາສະເໜີໜ້າ ທິດສະດີນ້ຳເຕົ້າເປົ່າ ເຈົ້າບໍ່ເຫັນ ແຕ່ທຳທ່າອວດຣູ້ ມະໂນສ້າງພາບເອົາ ພຣະ ລາວຄົ້ນພົບໄດ້ ອົງໃຫຍ່ງາມຫຼາຍ ຝັງຢູ່ໃນຫາດຊາຍ ຈັກປີບໍ່ທັນຮູ້ ຢູ່ບໍ່ຢູ່ ນັກວິຊາການເກົາກົ້ນ ຍາມຝົນອອກມາຂ່າວ ວ່າພຣະລາວພົບໄດ້ນັ້ນ ຂອງ ເກ້ ແນ່ນອນ ຕົນເປັນຄົນຮອບຮູ້ ສາຍາວ່າ ຄູ ບາ ທອງ ເລື່ອງທອງ ເລື່ອງໂລຫະ ບໍ່ມີໃຜທຽມທານໄດ້ ເອົາໃບປະລິນຍາມາອ້າງ ວ່າໂຕເອງເກັ່ງກວ່າໝູ່ ຢູ່ເຖົ້າມາຊ່ຳນີ້ ຍັງບໍ່ຮູ້ຈັກຄວາມ ແທ້ນໍ ການສຶກສາບໍ່ຊ່ວຍສ້າງ ໃຫ້ຄົນເກັ່ງຄົນດີ ແທ້ບໍ? ຫຼືວ່າ ມີສັນດານໜາ ມືດມົນບັງໄວ້ ຫຼືວ່າ ໃຈຫວັງສໍ້ ຢາກ ໂດ່ງດັງ
ເຫັນຮູບກໍຫາກຮູ້ ນີ້ຄື ບ່ອນຮຽນໜັງສື ເປັນອາຄານຊັ້ນດຽວ ເຮັດໂດຍຊາວບ້ານ ກະດານ ໂຕະຕັ່ງມ້າ ມີພຽງອາໄສນັ່ງ ຮຽນໜັງສືທຸກມື້ ຫວັງຮູ້ອ່ານຂຽນ ນັກຮຽນທັງເດັກນ້ອຍ ຮຽນຮ່ວມຮຽງກັນ ຈັກຊິສຽງນາຍຄູ ຈັກຊິສຽງຄົນໄຫ້ ເດັກນ້ອຍໄປນຳເອື້ອຍ ວົນແຊວໄຫ້ຈ່ອງ ທັງເອົານ້ອງ ທັງມືຂຽນຂີດແຕ້ມ ສໍຈ້ຳໃສ່ກະດານ ເຈົ້າອາດຈະນຶກໄດ້ ວາດພາບຈິນຕະນາການ ເຖິງສະພາບ ໂຮງຮຽນ ຢູ່ໃນຮູບນີ້
ຄືນນີ້ ເດິກດຶນຂ້ອນ………………….ນອນຢູ່ກາງດົງ ຫຼັງເປ້ຖົງເອິກມີປືນ…………………..ກອດຢືນອີງໄມ້ ແສງໄຟຄືເດືອນແລະດາວເທິງຟ້າ……ສ່ອງລົງມາພໍພູມພູ່ ຢູ່ຊາຍແດນແຫ່ງນີ້……………………ມາແລ້ວໜຶ່ງປີ ຊາຍແດນລາວເຂດນີ້…………………ຍັງຫ່າງຄວາມຈະເລີນ ມີເງິນ ກໍບໍ່ມີຄວາມໝາຍ………………ບໍ່ມີບ່ອນຊື້ ມືຖືມີເສຍລ້າ……………………………ຖືໄປມາພໍເປັນໝູ່ ຢູ່ປ່າເຫງົາຄິດຮອດນ້ອງ……………….ພໍໄດ້ເປີດແຍງ
. ມາດາມ ໃສ່ “ໝວກ” ແລ້ວ……………..ລີລາທ່າຂຶງຂັງ ເກີດພະລັງໃນຕົວ………………………….ສັ່ງການຄົນໄດ້ ໃຜກໍຢຳເກງຢ້ານ…………………………..ຍາມມາດາມສັ່ງ ຮັບຟັງໂດຍນອບນ້ອມ……………………ບໍ່ຫານກ້າຂັດຄໍ . ມາດາມ ເກັ່ງຮອບຮູ້……………………..ດີເລື່ອງບໍລິຫານ ຊ່າງຈັດການເງິນຄຳ………………………..ສ່ວນຕົວ-ລວມພ້ອມ ແຖມຍັງຊອມບັນຊາຊີ້…………………….ວຽກງານແທນຄົນອື່ນ ເພິ່ນບຸກບືນສ່ຳນີ້………………………….ຄົນຄວນຍ້ອງຊື່ນຊົມ .
ຄົນດີ ສະຫລາດຮູ້………………..ກະທຳແຕ່ຄວາມດີ ມີຜົນງານຫລາຍຈາລຶກ…………..ຈົດລົງໃນປື້ມ ປະຫວັດຕົນໂດຍຫຍໍ້ ……………..ຍາມຕາຍເຂົາອ່ານ ຄົນກ່າວຂານຍົກຍ້ອງ …………….ອາໄລເຈົ້າຈາກໄປ ຄົນດີ ບໍ່ກ່ຽວຂ້ອງ ……………..ການສຶກສາຕ່ຳຫລືສູງ ຖານະລວຍຫລືທຸກ ………………. ຍົດສູງຫລືຕ່ຳຕ້ອຍ ບໍ່ວ່າພະນັກງານໃຫຍ່ຫລືນ້ອຍ …….ອາວຸໂສຫລືຍັງໜຸ່ມ ມີໂອກາດທຽບເທົ້າ …………………ສະເໝີດ້າມດັ່ງດຽວ
ເຫັນຮູບເກົ່າຖ່າຍໄວ້ ຕອນເມື່ອຍັງຮຽນ ເຟັສບຸກວຽນມາເຕືອນ ພາບຄວາມຊົງຈຳຂ້ອຍ ທີ່ນັ່ງງອຍແຄມຫ້ວຍ ສະກຸຣະຍວຍລົງໃສ່ ດອກໄມ້ບານປົກຫຸ້ມ ເຫັນແລ້ວຊື່ນຊະອອນ
