ຢາກຢືມ “ໝວກມາດາມ”

.

ມາດາມ ໃສ່ “ໝວກ” ແລ້ວ……………..ລີລາທ່າຂຶງຂັງ

ເກີດພະລັງໃນຕົວ………………………….ສັ່ງການຄົນໄດ້

ໃຜກໍຢຳເກງຢ້ານ…………………………..ຍາມມາດາມສັ່ງ

ຮັບຟັງໂດຍນອບນ້ອມ……………………ບໍ່ຫານກ້າຂັດຄໍ

.

ມາດາມ ເກັ່ງຮອບຮູ້……………………..ດີເລື່ອງບໍລິຫານ

ຊ່າງຈັດການເງິນຄຳ………………………..ສ່ວນຕົວ-ລວມພ້ອມ

ແຖມຍັງຊອມບັນຊາຊີ້…………………….ວຽກງານແທນຄົນອື່ນ

ເພິ່ນບຸກບືນສ່ຳນີ້………………………….ຄົນຄວນຍ້ອງຊື່ນຊົມ

.

ແຕ່ວ່າ ຍາມເພິ່ນມາຍັບໃກ້………………ຄົນພັດຕື່ນແຕກໜີ

ປານວ່າມີເສືອມາ………………………….ຂຸບກິນແກມຫຼີ້ນ

ໄດ້ຍິນສຽງກໍຍັງຢ້ານ……………………..ໃຈຄໍບໍ່ທຸ່ນທ່ຽງ

ຊື່ສຽງອຳນາດເຈົ້າ…………………………ສັງມາກ້າເກັ່ງດີ ແທ້ເດ

.

ຂ້ອຍນີ້ຄິດຢາກໄດ້……………………….ໝວກມາດາມ ໃສ່ບາງຄາວ ເບິ່ງເດ

ຄືຊິມີລາສີ…………………………………ວາດຊົງຄົງໂກ້

ວາງໂຕພໍດີດ້າມ……………………………ຕາມພາສາຄົນຕ່ຳ

ບໍ່ຖະຫຼ່ຳລື່ນເຈົ້າ……………………………ເພາະຢືມໃຊ້ໝວກອື່ນເຂົາ ດອກນ່າ.

ແນະນຳອ່ານ

• ຄົນດີ