ໄປຕ່າງປະເທດຄັ້ງທຳອິດ? ເວົ້າອັງກິດແນວໃດໃນໂຕະ Check-in Counter

ເວລາເດີນທາງໄປຕ່າງປະເທດ, ດ່ານທຳອິດທີ່ເຮັດໃຫ້ມືໃໝ່ຕື່ນເຕັ້ນ ແລະ ກັງວົນທີ່ສຸດ ກໍຄື “ໂຕະແຈ້ງປີ້” (Check-in Counter). ຫຼາຍຄົນຢ້ານຟັງພາສາອັງກິດບໍ່ຮູ້ເລື່ອງ ແລະ ບໍ່ຮູ້ວ່າຕ້ອງເລີ່ມເຮັດຫຍັງກ່ອນ.

ຄວາມຈິງແລ້ວ, ຖ້າເຮົາເຂົ້າໃຈ “ຂັ້ນຕອນ” ແລະ ຮູ້ “ປະໂຫຍກກັນຕາຍ” ສັ້ນໆ, ເລື່ອງນີ້ຈະກາຍເປັນເລື່ອງງ່າຍທັນທີ. ມື້ນີ້ Lao Guru ຈະມາແບ່ງປັນທັງປະສົບການຈິງ ແລະ ພາສາອັງກິດທີ່ຈຳເປັນໃນລະດັບ Elementary ໃຫ້ເອົາໄປໃຊ້ໄດ້ເລີຍ!

🗺️ Step 1: ວິທີຊອກໂຕະແຈ້ງປີ້ສາຍການບິນ

ເມື່ອຍ່າງເຂົ້າໄປໃນສະໜາມບິນ, ສິ່ງທຳອິດທີ່ຕ້ອງເຮັດຄື: ຢ່າຍ່າງຊອກຫາໂຕະແຈ້ງປີ້ແບບມົ້ວໆ.

1. ໃຫ້ຍ່າງໄປເບິ່ງ ຈໍມໍນິເຕີຂະໜາດໃຫຍ່ (Flight Information Board) ທີ່ສະແດງທ່ຽວບິນ.

2. ຊອກຫາ “ລະຫັດທ່ຽວບິນ” ຂອງທ່ານ (ເຊັ່ນ: QV 445 ຫຼື  TG 571) ຢູ່ໃນຈໍ.

3. ເບິ່ງຊ່ອງ “Row” ຫຼື “Counter” ວ່າສາຍການບິນຂອງທ່ານເປີດໃຫ້ແຈ້ງປີ້ຢູ່ແຖວໃດ (ເຊັ່ນ: Row F, Counter 1-5).

4. ເມື່ອຮູ້ແລ້ວ ໃຫ້ຍ່າງກົງໄປແຖວນັ້ນໄດ້ເລີຍ.

🔑 Step 2: ດ່ານຍື່ນເອກະສານ (Passport & Ticket)

ປົກກະຕິຜູ້ໂດຍສານຈະຕ້ອງຕໍ່ແຖວ (ການລຽນແຖວເປັນເລື່ອງສາກົນຢູ່ແລ້ວ).​ ເມື່ອຮອດຄິວຂອງທ່ານ, ໃຫ້ຍ່າງເຂົ້າໄປຫາເຈົ້າໜ້າທີ່ດ້ວຍຮອຍຍິ້ມ. ດ່ານທຳອິດ ເຈົ້າໜ້າທີ່ຈະຂໍເບິ່ງເອກະສານທັນທີ.

• ເຈົ້າໜ້າທີ່ມັກຈະຖາມວ່າ:  “May I have your passport and ticket, please?” ຂ້ອຍຂໍເບິ່ງປັດສະປໍ ແລະ ປີ້ຍົນຂອງເຈົ້າແດ່ໄດ້ບໍ່? 

  • “Where are you flying to today?” ມື້ນີ້ເຈົ້າຈະເດີນທາງໄປໃສ?

• ປະໂຫຍກກັນຕາຍຂອງທ່ານ:

  • “Here you go.” ຫຼື “Here is my passport.” ນີ້ເດປັດສະປໍຂອງຂ້ອຍ. ➡️ ຍື່ນພາສປອດໃຫ້ເລີຍ ງ່າຍໆ, ສັ້ນໆ.

🧳 Step 3: ຂັ້ນຕອນການຊັ່ງ ແລະ ໂຫຼດກະເປົາ (Baggage / Luggage)

ຫຼັງຈາກກວດເອກະສານ, ເຈົ້າໜ້າທີ່ຈະໃຫ້ເຮົາເອົາກະເປົາເດີນທາງຂຶ້ນຊັ່ງນ້ຳໜັກ ເພື່ອບັນຈຸລົງໃຕ້ທ້ອງເຄື່ອງບິນ.

• ເຈົ້າໜ້າທີ່ມັກຈະຖາມວ່າ:

  • “How many bags are you checking in?” ເຈົ້າຕ້ອງການໂຫຼດກະເປົາຈັກໜ່ວຍ?

  • “Please put your bag on the scale.” ກະລຸນາເອົາກະເປົາຂຶ້ນຊັ່ງນ້ຳໜັກແດ່

• ປະໂຫຍກກັນຕາຍຂອງທ່ານ:

  • “Just one bag, please.” ໜ່ວຍດຽວເຈົ້າ.

  • “Two bags, please.” ສອງໜ່ວຍເຈົ້າ  ➡️ ຕອບເປັນຈຳນວນໂຕເລກໄປເລີຍ.

💡 Sharing Experience (ເຕັກນິກຫ້າມລືມ): > ເຈົ້າໜ້າທີ່ອາດຈະຖາມເພື່ອຄວາມປອດໄພວ່າ “Do you have any power banks or batteries in this bag?” (ມີເພົາເວີແບັງ ຫຼື ຖ່ານຢູ່ໃນກະເປົານີ້ບໍ່?). ຈື່ໄວ້ວ່າ: ຫ້າມເອົາ Power Bank ໂຫຼດໃຕ້ທ້ອງເຄື່ອງເດັດຂາດ! ໃຫ້ຕອບວ່າ “No, I don’t.” ຖ້າເຈົ້າຈະເອົາ Power Bank ໄປນຳ ໃຫ້ໃສ່ກະເປົາເປ້ ຫຼື ກະເປົາຫີ້ວ (Carry-on) ຂຶ້ນເຄື່ອງແທນ.

🪟 Step 4: ວິທີເລືອກບ່ອນນັ່ງທີ່ມັກ (Choosing a Seat)

ຖ້າທ່ານໄປເຊັກອິນໄວ ແລະ ຢາກເລືອກບ່ອນນັ່ງທີ່ຖືກໃຈ, ໃຫ້ຮີບຊິງເວົ້າປະໂຫຍກນີ້ກ່ອນທີ່ເຈົ້າໜ້າທີ່ຈະອອກປີ້:

• ຖ້າຢາກນັ່ງຕິດປ່ອງຢ້ຽມ (ໄວ້ເບິ່ງວິວ):

  • “Can I have a window seat, please?” ຂ້ອຍຂໍນັ່ງຕິດປ່ອງຢ້ຽມໄດ້ບໍ່?

• ຖ້າຢາກນັ່ງຕິດທາງຍ່າງ (ໄວ້ລຸກຍ່າງໄປຫ້ອງນ້ຳງ່າຍ):

  • “Can I have an aisle seat, please?” ຂ້ອຍຂໍນັ່ງຕິດທາງຍ່າງໄດ້ບໍ່? – ຄຳວ່າ Aisle ອ່ານວ່າ “ໄອ-ໂອ”

🎟️ Step 5: ຮັບບັດຂຶ້ນຍົນ ແລະ ເຊັກຄວາມຖືກຕ້ອງ (Boarding Pass)

ເມື່ອທຸກຢ່າງຮຽບຮ້ອຍ, ເຈົ້າໜ້າທີ່ຈະຍື່ນເອກະສານທັງໝົດຄືນໃຫ້ ພ້ອມບອກລາຍລະອຽດການຂຶ້ນເຄື່ອງ.

• ເຈົ້າໜ້າທີ່ມັກຈະເວົ້າວ່າ:

  • “Here is your boarding pass. Your gate is Gate 15 and boarding time is 10:30 AM.” ນີ້ຄືບັດຂຶ້ນຍົນຂອງເຈົ້າ. ປະຕູຂຶ້ນຍົນແມ່ນ ປະຕູ 15 ແລະ ເວລາຂຶ້ນເຄື່ອງແມ່ນ 10 ໂມງເຄິ່ງ.

• ສິ່ງທີ່ທ່ານຕ້ອງເຮັດ (ຈາກປະສົບການ):

  • ເມື່ອໄດ້ບັດມາແລ້ວ ໃຫ້ກວດເບິ່ງ ຊື່-ນາມສະກຸນ ໃຫ້ກົງກັບປັດສະປໍ, ເບິ່ງ Gate (ປະຕູຂຶ້ນເຄື່ອງ) ແລະ Boarding Time (ເວລາຮຽກຂຶ້ນເຄື່ອງ) ໃຫ້ຊັດເຈນ.

• ປະໂຫຍກກັນຕາຍຂອງທ່ານ:

  • “Thank you very much.” ຂອບໃຈຫຼາຍໆ  ➡️ ຍິ້ມງາມໆ ແລ້ວຍ່າງໄປດ່ານກວດຄົນເຂົ້າເມືອງ (Immigration) ໄດ້ເລີຍ!

💡 Inspiring English

“Every great journey begins at the check-in counter. Don’t let fear stop you from exploring the world.”

(ທຸກໆການເດີນທາງທີ່ຍິ່ງໃຫຍ່ ລ້ວນແຕ່ເລີ່ມຕົ້ນຢູ່ທີ່ເຄານ໌ເຕີເຊັກອິນ. ຢ່າປ່ອຍໃຫ້ຄວາມຢ້ານ ມາຢຸດຢັ້ງເຈົ້າໃນການອອກໄປຄົ້ນຫາໂລກກວ້າງ).

——————-

 Lao Guru Share: ຖ້າບົດຄວາມນີ້ມີປະໂຫຍດທີ່ເຈົ້າສາມາດເອົາໄປໃຊ້ຕົວລອດໄດ້, ຢ່າລືມ ກົດແຊຣ໌ (Share) ບົດຄວາມນີ້ອອກໄປ ເພື່ອເປັນຄັງຄວາມຮູ້ ແລະ ເປັນກຳລັງໃຈໃຫ້ກັບທີມງານ Lao Guru ໄດ້ຊອກຫາເຕັກນິກດີໆ ແບບນີ້ມາຕື່ມໃຫ້ເລື້ອຍໆ ເດີ້!

Please follow and like us: