ຄຳສັບໃນພາສາອັງກິດຈັດແບ່ງອອກເປັນ 8 ຊະນິດ ເອີ້ນວ່າ Parts of Speech ຫຼື ພາສາລາວແປວ່າ “ສ່ວນຕ່າງໆຂອງຄຳເວົ້າ”. 5 ຊະນິດ ສາມາດຜັນແປງຄຳເປັນ ໜຶ່ງ ຫຼື ຫຼາຍທິດທາງຄື:
- Noun
- Pronoun
- Verb
- Adjective
- Adverb
ສ່ວນ 3 ຊະນິດທີ່ເຫຼືອແມ່ນບໍ່ຜັນຄຳ ໄດ້ແກ່
- Preposition
- Conjunction
- Interjection
ຕົວຢ່າງ: the preposition “in” ກໍແມ່ນ “in” ຕະຫຼອດໄປ; the conjunction “but” ກໍແມ່ນ “but” ຕະຫຼອດໄປ ໂດຍບໍ່ມີການຜັນຄຳແຕ່ຢ່າງໃດ.
ຄຳວ່າ ຜັນປ່ຽນຄຳ (inflection) ໝາຍເຖິງການປ່ຽນຮູບຂອງຄຳພາຍໃນ parts of speech ເທົ່ານັ້ນເຊ່ັນ:
- boy (n.) ຜັນແປງຄຳ ເພື່ອເຮັດເປັນຈຳນວນຫຼາຍ “boys”; ແຕ່ກໍຍັງເປັນ (n.) ຄືເກົ່າ.
- they (pron.) ຜັນແປງຄຳເປັນ them, theirs; ແຕ່ກໍຍັງເປັນ (pron.) ຄືເກົ່າ.
ແຕ່ວ່າຫຼາຍຄຳສາມາດຜັນແປງ ເພື່ອໃຫ້ມັນເຮັດໜ້າທີ່ເປັນຊະນິດໃດໜຶ່ງຂອງ parts of speech ທີ່ແຕກຕ່າງກັນເຊັ່ນ:
- meaning => meaningful (ຈາກ n. ເປັນ adj.)
- vacate => vacation (ຈາກ v. ເປັນ n.)
- trustful => trustfully (ຈາກ adj. ເປັນ adv.)
ເຖິງຢ່າງໃດກໍຕາມ, ມີຫຼາຍຄຳທີ່ບໍ່ປ່ຽນແປງຮູບ ແຕ່ວ່າສາມາດເປັນໄດ້ຫຼາຍກວ່າໜຶ່ງຊະນິດຂອງ parts of speech. ລອງພິຈາລະນາຄຳສັບ “cool” ໃນປະໂຫຍກລຸ່ມນີ້:
1. Noi is cool under pressure. (adj.)
ນ້ອຍໃຈເຢັນພາຍໃຕ້ຄວາມກົດດັນ.
2. Relations between the two may cool now that they are apart. (v.)
ດຽວນີ້ຄວາມສຳພັນລະຫວ່າງທັງສອງອາດຈະເຫີນຫ່າງ ເພາະວ່າພວກເຂົາແຍກທາງກັນ.
3. She knows how to keep her cool in a crisis. (n.)
ລາວຮູ້ວິທີເຮັດໃຫ້ໃຈທຸ່ນທ່ຽງໃນຍາມວິກິດ
ຈາກຕົວຢ່າງເທິງນີ້ ເຮົາຈະເຫັນວ່າ ຮູບຂອງຄຳສັບບໍ່ໄດ້ຕັດສິນການເຮັດໜ້າທີ່ຂອງມັນສະເໝີໄປ. ດັ່ງນັ້ນ, ຖ້າຢາກຮູ້ວ່າ ຄຳສັບນີ້ເປັນ ຄຳຫຍັງໃນ parts of speech ແມ່ນໃຫ້ເບິ່ງຢູ່ທີ່ ການເຮັດໜ້າທີ່ຂອງມັນໃນປະໂຫຍກສະເພາະໃດໜຶ່ງ.
